ТАЪЛИМ СИФАТИНИ ОШИРИШ - ИННОВАЦИОН ИҚТИСОДИЁТНИ ШАКЛЛАНТИРИШНИНГ ЕТАКЧИ ОМИЛИ СИФАТИДА
DOI:
https://doi.org/10.55439/EIT/vol10_iss6/a17Kalit so‘zlar:
билим, инновация, рақобатбардошлик, таълим, таълим тизими, таълим хизмати, таълим хизматлари бозори, меҳнат бозори, таълим сифати, таълим кластериAbstrak
Мақола инновацион иқтисодиётни яратиш шароитида таълимни ислоҳ қилиш ва сифатини ошириш муаммоларига бағишланган. Тадқиқот мавзусининг долзарблиги ҳозирги кунда инновацион фаолиятнинг кишилик жамияти ижтимоий-иқтисодий тараққиётида ролининг бениҳоя ошганлиги билан изоҳланади. Муаллиф билимларни жамият ижтимоий-иқтисодий ривожланишининг стратегик омили, унинг иқтисодиётнинг инновацион асосда тараққий эттиришнинг бош йўли эканлигини асослаб берган. Замонавий инновацион тузилмалар юқори технологияли маҳсулот ва технологияларни яратишда билим ва инновацияларни яратиш, тарқатиш ва ишлатиш орқали юқори рақобатбардошликни таъминлаши мумкин. Инновацион жамият иқтисодиёти инновацион таълим тизимларини талаб қилиши исботланган. Таълим тизими инновацияларга, ижтимоий ва иқтисодий ўзгаришларга мослашишга қодир бўлган, касбий ва хулқ-атвор малакасига эга бўлган мутахассисларни тайёрлашни таъминлаши керак. Эски таълим моделлари замонавий ижтимоий-иқтисодий ривожланиш муаммоларини ҳал қилишда самарасиз эканлиги кўрсатилган. Ўзбекистонда таълим тизимида амалга оширилиётган ислоҳотлар инновацион иқтисодий ривожланиш талабларига ва жамиятнинг замонавий эҳтиёжларига жавоб берадиган компетентликка асосланган ва шахсга йўналтирилган ёндашув ва инновацион таълим технологияларидан фойдаланган ҳолда таълимнинг инновацион табиатини таъминловчи тамойилларга асосланганлиги ёритиб берилган.
