NEFT-KIMYO USKUNALARI XAVFSIZLIGINI BOSHQARISHNING MANTIQIY-GRAFIK MODELI

Abstract

Ushbu maqolada neft-kimyo sanoati korxonalarida texnologik xavfsizlikni ta’minlash, ishlab chiqarish jarayonlarini monitoring qilish va boshqarishning mantiqiy vaziyatli modelni qurish masalasi ko‘rilgan. Neft-kimyo ob’ektlarining murakkab tuzilmasi va kimyoviy xavf manbalari ko‘pligi sababli, ularning xavfsiz ishlashini kafolatlash uchun avtomatlashtirilgan axborot-tahliliy tizimlardan foydalanish zaruriyati asoslab berilgan. Tadqiqotda graf nazariyasi usullariga asoslangan mantiqiy-grafik modellar ishlab chiqilib, ular orqali favqulodda holatlarning sabablari, rivojlanish bosqichlari hamda ularning oqibatlari o‘rtasidagi sababiy bog‘liqliklar aniqlangan. Model avariya holatlari rivojlanishining ko‘p bosqichli ssenariylarini tasvirlash, xavf omillarini o‘zaro taqqoslash va ularning yuzaga kelish ehtimolini baholash imkonini beradi. Shuningdek, ushbu yondashuv texnologik jarayonlarda paydo bo‘ladigan iqtisodiy, ijtimoiy va ekologik xavflarni tahlil qilish hamda ularni boshqarish uchun asos yaratadi. Taklif etilgan axborot-tahliliy tizim operatorlarga real vaqt rejimida tahliliy ma’lumotlarni taqdim etadi, bu esa boshqaruv qarorlarini optimallashtirish va ishlab chiqarish xavfsizligini oshirishga xizmat qiladi.